السلام عليكم و رحمة الله و بركاته ..
عدنا لكم بعد انقطاع دام شهر ونصف بسبب امتحانات نهاية الفصل الدراسي
الأول >> الحمدلله .. كانت الامتحانات بسيطة و سهلة .. و السبب الثاني
كان : الإعداد لملف جائزة الشارقة للتميز التربوي .. و الحمدلله سلمت
الملف و ما كان عليه الا بعض الملاحظات الصغيرة .
المهم .. في ها الموضوع بكتب عن كل الي فاتني في الفترة الي طافت
و الفترة القادمة .. بتكون التدوينة على شكل مواضيع منفصلة .
_.._
اهلا بالجميع ..
من زمان وانا أحاول أصور .. لكن الصور ما فيها اختلاف
صور تقليدية عادية ما فيها اي لمسات إبداعية .. :(
وجدت اني اقدر اصور بطريقة ما بقول إبداعية .. لكن غير عن العادية :)
ها شو رايكم في الصور ان شاء الله عيبتكم اتمنى انه يكون في تطور >>> على فكره انا غيرت الكيمره الاولى كانت كيمره مشي الحال اما
هذي الصورة صورتها في بحر البطين في ابوظبي 
صورة لنهر القاضي الموجود في لبنان (طبيعه خلابه و مناظر جميلة)
هذي الصوره لأول سمكه صدناها بالسناره في ميناء ابوظبي
